Plesiran Kaga Beli Ape-ape

Ngikutin gayenye si Belo yang BTW asli (maksain). Bentar lagi bocah-bocah pada prei sekolahnye, udah barang tentu pasti pade plesiran deh. Entah dari sekoleh masing-masing atawa dari keluargenye ndiri. Si Jaim udeh kepikiran di otaknye, seminggu lagi mao plesiran ma temen-temennye dalam rangka pelepasan kelas tige eh perpisahan deng. Namanye juge bocah, kepusingan juga tuh bocah, udeh kepikiran mao pake baju nyang mane, pake celana nyang mane, pake tas nyang mane, pake asesoris nyang mane, pake sepatu nyang mane, pake kacamata nyang mane, pake ape lagi yeh. Kepusingan juga neh nyang nulis. Apalagi nyang mao dibawe. Oh ntu, ampir aje lupe batin si Jaim. Mo bawa nasi uduk ah ma ayam goreng sambel kacang, bawe nasi ulem, nasi goreng, nasi gudeg. eit nih mao plesiran pe mao dagang?.

Dah barang tentu, si Jaim cerite-cerite ke semua orang, ma tukang cendol nyang sering diutangin, ma tukang  ojek bujangan yang girang banget kalo si Jaim naek ojeknye, lantaran tetangganye lagi diincer mo dijadiin bini, trus yang terakhir nih temen-temen rumehnya yang langsong nodong minta oleh-oleh. Si Jaim langsung ngejawab setengeh diplomasi. "Gue nggak beli ape-ape,  Udeh Harganye Mahal Kaga Ketulungan, dah gitu nih bikin nyebelin  Barang-barangnye Asal-asalan aje, Mutunye Kaga  Jelas,  mending beli di sini aje, deh noh di pasar senggol, kate si Jaim nyang sebenernya lagi tongpes' . Jadi deh si Jaim ntar kalo  Plesiran Kaga Beli Ape-ape.